哩幾日, 被感冒菌打敗.
I've been sick these few days.

應該要做嘅正經事...一樣都做唔到
I did nothing about what I have to do.

因為無精神無體力.
because I didn't have much energy.

但我做到我想做嘅事...瞓覺同睇電視
BUT I could do something that I really want to...like sleeping & watching TV

2009年.
In 2009,

我要一個更均衡嘅生命!!!
I want to have a better balanced life!!!

喺神度, 無嘢係唔可能發生!
In God, nothing is impossible!

神啊~ 請幫幫我!
So GOD, please help me!

只係過咗一星期嘅一半

但我已經好累好累...

所以今朝我想搵吓經文係可以鼓勵到自己繼續振作

搜尋  － "得力"

搜尋結果：

以賽亞書４０：２８－３１

２８你不知道嗎？你沒有聽過嗎？永在的神、耶和華、地極的創造主既不疲乏，也不困倦；他的知識無法測度。
２９疲乏的，他賜氣力，無力的，他加力量。
３０就是年輕人也會疲乏困倦，強壯的人也會全然跌倒。
３１但那些仰望耶和華的人，必重新得力；他們必像鷹一樣展翅上騰；他們奔跑，也不困倦，他們行走，也不疲乏。

感謝神！

我得到鼓勵外，神亦畀我知道...

神係明白我嘅累同軟弱, 但唔緊要(累同無力係在所難免),

只要等候仰望神, 重新得力振作, 繼續向前行都唔會累咯!

神就係最了解明白我嘅狀況, 又無時無刻無間斷咁支持住我!

神唔止了解我, 係了解每一個嘅你呢! 無分大細, 背景, 信仰...

我哋真正認識神之前, 佢已經認識我哋;

喺我哋未接受神之前, 佢已經愛我哋!

可能生命裏喺某啲時候覺得無人明白同了解自己...

事實並唔係架呢!

馬太福音10:30-31
就是你們的頭髮、也都被數過了。所以不要懼怕．你們比許多麻雀還貴重。

新一年開始, 一月嘅讀新約聖經計劃表又去到馬太福音咯!

因為新約嘅四福音書係我當初決志後被力薦嘅必讀聖經書卷

係記載住由耶穌降生, 所行嘅神蹟奇事, 到耶穌被釘十字架及後發生嘅事

比起其他書卷, 我的確比較熟悉多少

所以幾日前我都睇埋舊約嘅計劃表

而家嘅進度係創世紀中段, 講述亞伯拉罕同佢嘅後代嘅事

雖然我以前都間唔中聽到亞伯拉罕 - 信心之父嘅故事, 但有啲零碎...

哈哈哈...開始咗...有啲一發不可收拾嘅感覺!!!

因為每日都係睇兩至三篇, 心情就好似追緊劇情咁樣...

我一直都覺得新約裏面關於耶穌行嘅神蹟, 所做嘅比喻已經夠吸引,

完全估唔到舊約都係好吸引呢!

望住09上半年精彩嘅時間表,

加上由假期好放鬆嘅狀態, 到而家要再次投入返緊湊嘅生活

心情難免有點點沈重...需要少少時間去調節返

而每一次幫我提返起精神嘅依然係睇同聽神嘅話語!

上星期六晚彼得牧師分享咗個好令人鼓舞嘅訊息!

除咗關於香港JLH嘅Vision之外, 亦都鼓勵我哋人人都要有Vision(異象)!!!

大概即係要有目標, 放眼未來咁嘅意思~

箴言 29:18 -
沒有異象、民就放肆．惟遵守律法的、便為有福。

我哋嘅生命係需要有異象啊;

要知道自己嘅目標同生命意義, 如果唔係就會無晒方向架喇...

已經有兩年以上無去驗眼...

今日下晝約咗視光師做一個幾詳細嘅檢查.

無心理準備之下發現原來我又深咗近視同散光...

右眼有925度,左眼有850度,再加兩隻眼都有300以上嘅散光.

我知道後面色一沈...

我要好好保護我嘅靈魂之窗!!!

要開始多啲綠色活動～

呢個係一個好好嘅提醒, 唔想眼睛再差落去, 就要開始保護眼睛!

多啲大自然互外活動, 少啲電腦時間... gogogoooooo!